<div>കാഞ്ഞിരപ്പള്ളി: സുരക്ഷിതവും ആരോഗ്യകരവുമായ ഭക്ഷണ സംസ്‌കാരം പ്രോത്സാഹിപ്പിക്കുക എന്ന ലക്ഷ്യത്തോടെ പീരുമേട് ഡെവലപ്‌മെന്റ് സൊസൈറ്റിയുടെ ബയോറിജിന്‍ ബ്രാന്‍ഡ് മസാല-സ്പൈസസിന്റെയും, കാഞ്ഞിരപ്പള്ളി രൂപത മാതൃവേദിയുടെയും സംയുക്ത ആഭിമുഖ്യത്തില്‍ കുട്ടിക്കാനം മരിയന്‍ കോളേജില്‍ വച്ച് മാതൃവേദി അംഗങ്ങള്‍ക്കായി 'അമ്മരുചി നന്മരുചി' പാചക മത്സരം നടത്തി.&nbsp; 30 ടീമുകളായി 60 വനിതകള്‍ ഈ മത്സരത്തില്‍ പങ്കെടുത്തു. നാടന്‍ രീതിയിലുള്ള ചിക്കന്‍ വിഭവങ്ങള്‍ മത്സരാര്‍ഥികള്‍ തയാറാക്കി. മരിയന്‍ കോളേജ് അഡ്മിനിസ്‌ട്രേറ്റര്‍ ഫാ. തോമസ് ഞള്ളിയില്‍ മത്സരം ഉദ്ഘാടനം ചെയ്തു. കാഞ്ഞിരപ്പള്ളി രൂപത വികാരി ജനറാള്‍ ഫാ. ബോബി അലക്‌സ് മണ്ണംപ്ലാക്കല്‍, പീരുമേട് ഡെവലപ്‌മെന്റ് സൊസൈറ്റി എക്‌സിക്യൂട്ടീവ് ഡയറക്ടര്‍ ഫാ. സാബു ജോണ്‍ പനച്ചിക്കല്‍, കാഞ്ഞിരപ്പള്ളി രൂപത മാതൃവേദി ഡയറക്ടര്‍ ഫാ. മാത്യു ഓലിക്കല്‍, മരിയന്‍ കോളേജ് വൈസ് പ്രിന്‍സിപ്പല്‍ ഫാ. സെബാസ്റ്റ്യന്‍ കാരിക്കക്കുന്നേല്‍ എന്നിവര്‍ മുഖ്യ അതിഥികളായിരുന്നു.&nbsp;</div><div> </div><div>കാഞ്ഞിരപ്പള്ളി രൂപതയിലെ 147 ഇടവകകളില്‍ നിന്ന് തിരഞ്ഞെടുക്കപ്പെട്ട 60 മാതൃവേദി അംഗങ്ങള്‍ക്കായാണ് മത്സരം നടന്നത്.&nbsp; പീരുമേട് ഡെവലപ്‌മെന്റ് സൊസൈറ്റിയുടെ ബയോറിജിന്‍ ബ്രാന്‍ഡ് മസാലകളും സ്‌പൈസസും ഉപയോഗിച്ചാണ് വിഭവങ്ങള്‍ തയാറാക്കിയത്. മത്സരത്തില്‍ ഒന്നാം സമ്മാനം പാലപ്ര ഇടവക അംഗങ്ങളായ ജാന്‍സി സണ്ണി,&nbsp; ബിന്ദു സിബി നമ്പൂടാകത്ത് എന്നിവര്‍ കരസ്ഥമാക്കി. രണ്ടാം സമ്മാനം വെളിച്ചിയാനി ഇടവക അംഗങ്ങളായ&nbsp; എമിലി സെബാസ്റ്റ്യന്‍ കുരിശുംമൂട്ടില്‍, ശുഭാ അഗസ്റ്റിന്‍ പുളിക്കലും, മൂന്നാം സമ്മാനം കുട്ടിക്കാനം ഇടവക അംഗങ്ങളായ സാനി സെബാസ്റ്റ്യന്‍ വേങ്ങന്താനത്ത്, ബീന സ്റ്റാന്‍ലി മാറാട്ടുകുളം എന്നിവരും കരസ്ഥമാക്കി.&nbsp; പരിപാടികള്‍ക്ക് മാതൃവേദി എക്‌സിക്യൂട്ടീവ്&nbsp; അംഗങ്ങള്‍, പിഡിഎസ് സ്റ്റാഫ് അംഗങ്ങള്‍ എന്നിവര്‍ നേതൃത്വം നല്‍കി.</div>

'അമ്മരുചി നന്മരുചി' പാചക മത്സരം നടത്തി

ആലപ്പുഴ രൂപതയിൽ സമ്പൂർണ്ണ കന്യകാത്വ സമർപ്പണത്തിന്റെ പുതിയ ശുശ്രൂഷാ സരണിയ്ക്ക് (Order of Consecrated Virgins) രൂപതാദ്ധ്യക്ഷൻ അഭിവന്ദ്യ ജയിംസ് ആനാപറമ്പിൽ പിതാവ് തുടക്കം കുറിച്ചു. കലവൂർ ലിറ്റിൽ ഫ്ലവർ ഇടവകാംഗവും കൃപാസനം പ്രേഷിതയുമായ ജോമോളിനെ (എലീശ്വ മറിയം) 2025 നവംബർ 21 ന് പരിശുദ്ധ ദൈവമാതാവിന്റെ സമർപ്പണ തിരുനാളിൽ&nbsp; ക്രിസ്തുവിന്റെ മണവാട്ടിയും സമ്പൂർണ്ണ സമർപ്പിത കന്യകയുമായി&nbsp; പ്രതിഷ്ഠിച്ചുകൊണ്ടാണ് ഈ പുതിയ ക്രമത്തിനു രൂപതയിൽ സമാരംഭം കുറിച്ചത്.&nbsp;റവ. സി.ജോമോൾ കൃപാസനം OCV വരാപ്പുഴ അതിരൂപതയിലെ എട്ടേക്കർ സെന്റ് ജൂഡ് ഇടവകയിൽ കോരമംഗലത്തു വീട്ടിൽ ജോസഫ് സേവ്യറിന്റെയും മേരി ജോസഫിന്റെയും മൂന്നു പെണ്മക്കളിൽ ഏറ്റവും ഇളയതായി 1988 നവംബർ 22നു ജനിച്ചു. പ്രാഥമിക വിദ്യാഭ്യാസങ്ങൾക്കുശേഷം MG Universityയിൽ നിന്നും BSc നേഴ്സിംഗ് പഠനം പൂർത്തിയാക്കി.&nbsp;&nbsp;തന്റെ 23മത്തെ വയസ്സിൽ 2012ൽ കൃപാസനത്തിൽവെച്ചു കൂടിയ മരിയൻ തപസ് ധ്യാനത്തിലാണ് ഒരു മരിയൻ മിഷനറിയായി സ്വജീവിതം സമർപ്പിക്കുന്നതിനുള്ള ആന്തരിക പ്രചോദനവും ദൈവവിളിയും സ്വീകരിക്കുന്നത്.&nbsp; തുടർന്ന് കൃപാസനം സ്ഥാപക ഡയറക്ടർ ഫാ. ഡോ. വി. പി. ജോസഫ് വലിയവീട്ടിലിന്റെ ആത്മീയ ശിക്ഷണത്തിൽ മധ്യസ്ഥ പ്രാർത്ഥന ടീം അംഗം, കൃപാസനം മീഡിയ &amp; പബ്ലിക്കേഷൻ സെക്രട്ടറി, മരിയൻ ഉടമ്പടി ധ്യാനങ്ങളുടെ സഹശുശ്രൂഷക എന്നീ നിലകളിൽ സേവനം ചെയ്തു വരുന്നു.&nbsp;ഇക്കാലയളവിൽ തന്നെ എം.ജി. യൂണിവേഴ്സിറ്റിയിൽ നിന്നും MBAയും മദ്രാസ് യൂണിവേഴ്സിറ്റിയിൽനിന്നും സോഷ്യോളജിയിൽ MAയും ഇന്ദിരാഗാന്ധി ഓപ്പൺ യൂണിവേഴ്സിറ്റിയിൽനിന്നും Journalism &amp; Mass Communication ൽ PG Diploma യും നേടി.&nbsp; കളമശ്ശേരി ജ്യോതിർഭവനിൽനിന്നും 2024ൽ BTh പൂർത്തിയാക്കി. ഇപ്പോൾ, ആലുവ പൊന്തിഫിക്കൽ ഇൻസ്റ്റിറ്റ്യൂട്ടിൽ Biblical Theology യിൽ ലൈസൻഷ്യെറ്റ് പഠനം നടത്തുന്നു.&nbsp;ആലപ്പുഴയിലെ തിരുഹൃദയ സെമിനാരി ചാപ്പലിൽ വെച്ചു നടന്ന പൊന്തിഫിക്കൽ ദിവ്യബലിയ്ക്കും പ്രതിഷ്ഠാപന കർമ്മത്തിനും ആലപ്പുഴ രൂപത മെത്രാൻ റൈറ്റ് റവ. ഡോ. ജയിംസ് ആനാ പറമ്പിൽ പിതാവ് മുഖ്യകർമികത്വം വഹിച്ചു. കൃപാസനം ഡയറക്ടറും ജോമോളുടെ ആത്മീയപിതാവുമായ ഫാ. ഡോ. വി. പി. ജോസഫ് വലിയവീട്ടിൽ അവരോധന കർമ്മത്തിനായി അർത്ഥിനിയെ പേരുചൊല്ലി വിളിച്ചു. ആത്മീയ പരിശീലക വെരി റവ സി. മാർഗ്രറ്റ് പീറ്റർ സഹയാത്രികയായി. വിവേക മതിയായ കന്യകയെപ്പോലെ കത്തിച്ച ദീപവുമായി മുന്നോട്ടു വന്ന അർത്ഥിനിയെ സ്വാഗതം ചെയ്തുകൊണ്ട് അഭിവന്ദ്യ പിതാവ് സുവിശേഷോപദേശം നൽകിയശേഷം അർത്ഥിനിയുടെ സന്നദ്ധത പരിശോധിക്കുകയും സർവ്വ വിശുദ്ധരുടെയും മാധ്യസ്ഥം തേടി പ്രാർത്ഥിച്ചു. സന്നദ്ധത സ്ഥിരീകരിച്ചതിനുശേഷം പ്രതിഷ്ഠാപന പ്രാർത്ഥന ചൊല്ലുകയും ക്രിസ്തുവിന്റെ മണവാട്ടിയെന്ന വിശ്വസ്തബന്ധത്തിന്റെ അടയാളമായി മോതിരവും ശിരോവസ്ത്രവും&nbsp; അണിയിക്കുകയും സർവ്വ ലോകത്തിന്റെയും രക്ഷക്കുവേണ്ടി നിരന്തരം പ്രാർത്ഥിക്കുന്നതിന് സഭയുടെ ഔദ്യോഗിക പ്രാർത്ഥന പുസ്തകം - Liturgy of Hours - കൈമാറുകയും ചെയ്തു.&nbsp;രൂപത വികാരി ജനറൽ വെരി. റവ. മോൺ. ജോയ് പുത്തൻവീട്ടിൽ, ജുഡീഷ്യൽ വികാർ വെരി. റവ. ഡോ. യേശുദാസ് കാട്ടുങ്കൽത്തൈയ്യിൽ, ചാൻസിലർ വെരി റവ. ഫാ. ജൂഡ് കൊണ്ടപ്പശ്ശേരിൽ, എപ്പിസ്കോപ്പൽ വികാർ ഫോർ റിലിജിയസ് വെരി റവ. ഫാ. സൈമൺ കുരിശിങ്കൽ, റവ. ഫാ. ജോസ് ലാഡ് കോയിൽപറമ്പിൽ,റവ. ഫാ. ജോൺസൺ പുത്തൻവീട്ടിൽ, റവ. ഡോ. ജോയ് അറക്കൽ, റവ. ഫാ. ക്രിസ്റ്റഫർ അർത്ഥശ്ശേരിൽ, റവ. ഫാ. ബേർളി വേലിയകം, റവ. ഫാ. ഇഗ്നെഷ്യസ് ചുള്ളിക്കൽ, റവ. ഫാ. അലക്സാണ്ടർ കൊച്ചീക്കാരൻവീട്ടിൽ, റവ. ഫാ. ജോസഫ് അൽഫോൺസ്, റവ. ഫാ. അലക്സ്‌ കൊച്ചീക്കാരൻവീട്ടിൽ എന്നിവർ സഹകാർമ്മികരായി.<div> </div>

റവ. സി. ജോമോൾ കൃപാസനം OCV - ആലപ്പുഴ രൂപതയുടെ ആദ്യത്തെ Consecrated Virgin

കൊച്ചി : കെ സി ബി സി മീഡിയ കമ്മീഷൻ്റെ നേതൃത്വത്തിൽ നടത്തപ്പെടുന്ന 36-ാമത് കെ സി ബി സി അഖില കേരള പ്രൊഫഷണൽ നാടക മേളയ്ക്ക് തുടക്കമായി. 19ന് വൈകിട്ട് 5.30 ന് വരാപ്പുഴ അതിരൂപതാദ്ധ്യക്ഷനും കെ സി ബി സി മീഡിയ കമ്മീഷൻ വൈസ് ചെയർമാനുമായ ആർച്ചുബിഷപ്പ് റൈറ്റ് റവ.ഡോ.ജോസഫ് കളത്തിപറമ്പിൽ നാടകോത്സവം ഉദ്ഘാടനം ചെയ്‌തു, പി ഓ സി ഡയറക്ടറും കെ സി ബി സി ഡപ്യൂട്ടി സെക്രട്ടറിയുമായ റവ.ഫാ.തോമസ് തറയിൽ അധ്യക്ഷത വഹിച്ചു സംവിധായകനും തിരകഥാകൃതുമായ ജിസ് ജോയ് മുഖ്യാതിഥിയായിരുന്നു. സമ്മേളനത്തെ തുടർന്ന് അമ്പലപ്പുഴ അക്ഷരജ്വാലയുടെ വാർത്ത എന്ന നാടകം ഉണ്ടായിരുന്നു. നാളെ വൈകിട്ട് 6 ന് തിരുവനന്തപുരം നവോദയയുടെ നാടകം 'സുകുമാരി '. &nbsp;നാടകോത്സവം സെപ്‌തംബർ 19 വെള്ളിയാഴ്‌ച മുതൽ 28 ഞായറാഴ്‌ച വരെയാണ്. എല്ലാ ദിവസവും വൈകിട്ട് 6 ന് നാടകം ആരംഭിക്കുന്നു. പ്രവേശനം പാസ് മൂലം. ബന്ധപ്പെടേണ്ട നമ്പർ 8281054656, 9633249382&nbsp;ഫോട്ടോ അടിക്കുറിപ്പ്:- കെ സി ബി സി മീഡിയ കമ്മീഷൻ്റെ നേതൃത്വത്തിൽ നടത്തപ്പെടുന്ന 36-ാമത് കെ സി ബി സി അഖില കേരള പ്രൊഫഷണൽ നാടക മേളയ്ക്ക് തുടക്കംക്കുറിച്ച്കൊണ്ട് &nbsp;ജിസ് ജോയ് തിരി തെളിയിക്കുന്നു. ആർച്ചുബിഷപ്പ് റൈറ്റ് റവ.ഡോ.ജോസഫ് കളത്തിപറമ്പിൽ, &nbsp; റവ.ഫാ.തോമസ് തറയിൽ , ഫാ. &nbsp;സെബാസ്റ്റ്യൻ മിൽട്ടൺ, ശ്രീ. ജെയിംസ് തുടങ്ങിയവർ സമീപംഫാ. സെബാസ്റ്റ്യൻ മിൽട്ടൺ കളപ്പുരക്കൽ,&nbsp; സെക്രട്ടറി, കെ.സി.ബി.സി. മീഡിയ കമ്മീഷൻ.

36-ാമത് കെ സി ബി സി അഖില കേരള പ്രൊഫഷണൽ നാടക മേളയ്ക്ക് തുടക്കമായി

കോട്ടയം: കോട്ടയം അതിരൂപതയുടെ സാമൂഹ്യ സേവന വിഭാഗമായ കോട്ടയം സോഷ്യല്‍ സര്‍വ്വീസ് സൊസൈറ്റി അസീം പ്രേംജി ഫൗണ്ടേഷന്റെ സഹകരണത്തോടെ നടപ്പിലാക്കി വരുന്ന അന്ധബധിര പുനരധിവാസ പദ്ധതിയുടെ ഭാഗമായി പേരന്റ്സ് നെറ്റ്വര്‍ക്ക് മീറ്റിംഗ് സംഘടിപ്പിച്ചു. തെള്ളകം ചൈതന്യയില്‍ സംഘടിപ്പിച്ച നെറ്റ്വര്‍ക്ക് മീറ്റിംഗിന്റെ ഉദ്ഘാടനം ഏറ്റുമാനൂര്‍ മുനിസിപ്പല്‍ ചെയര്‍ പേഴ്‌സണ്‍ ലൗലി ജോര്‍ജ്ജ് നിര്‍വ്വഹിച്ചു. അതിരമ്പുഴ ഗ്രാമപഞ്ചായത്ത് മെമ്പര്‍ ആലീസ് ജോസഫ് ചടങ്ങില്‍ അദ്ധ്യക്ഷത വഹിച്ചു. കെ.എസ്.എസ്.എസ് എക്‌സിക്യൂട്ടീവ് ഡയറക്ടര്‍ ഫാ. സുനില്‍ പെരുമാനൂര്‍, ഏറ്റുമാനൂര്‍ ബ്ലോക്ക് പഞ്ചായത്ത് മെമ്പര്‍ ജെയിംസ് കുര്യന്‍, കെ.എസ്.എസ്.എസ് പ്രോഗ്രാം ഓഫീസര്‍ ഷൈല തോമസ് എന്നിവര്‍ പ്രസംഗിച്ചു. അന്ധബധിര വൈകല്യമുള്ള കുട്ടികളുടെ മാതാപിതാക്കളും അദ്ധ്യാപകരും മുതിര്‍ന്ന അന്ധബധിര വൈകല്യമുള്ള വ്യക്തികളും മീറ്റിംഗില്‍ പങ്കെടുത്തു. മീറ്റിംഗിനോടനുബന്ധിച്ച് നടത്തപ്പെട്ട ക്ലാസ്സിന്് കെ.എസ്.എസ്.എസ് അസ്സി. ഡയറക്ടര്‍ ഫാ. ജെഫിന്‍ ഒഴുങ്ങാലില്‍ നേതൃത്വം നല്‍കി. അന്ധബധിര വൈകല്യമുള്ളവരുടെ സമഗ്ര പുനരധിവാസം ലക്ഷ്യമാക്കി &nbsp;കോട്ടയം സോഷ്യല്‍ സര്‍വ്വീസ് സൊസൈറ്റിയുടെ നേതൃത്വത്തില്‍ പാലാ ചേര്‍പ്പുങ്കല്‍ ഗുഡ് സമരിറ്റന്‍ റിസോഴ്‌സ് സെന്ററിലും കടുത്തുരുത്തി പൂഴിക്കോല്‍ മര്‍ത്താ ഭവനിലും റിസോഴ്‌സ് സെന്ററുകള്‍ പ്രവര്‍ത്തിച്ച് വരുന്നുണ്ട്.ഫോട്ടോ : അന്ധബധിര വൈകല്യമുള്ളവരുടെ പുനരധിവാസ പ്രവര്‍ത്തനങ്ങളുടെ ഭാഗമായി കോട്ടയം സോഷ്യല്‍ സര്‍വ്വീസ് സൊസൈറ്റിയുടെ നേതൃത്വത്തില്‍ സംഘടിപ്പിച്ച പേരന്റ്‌സ് നെറ്റ്വര്‍ക്ക് മീറ്റിംഗിന്റെ ഉദ്ഘാടനം തെള്ളകം ചൈതന്യയില്‍ ഏറ്റുമാനൂര്‍ മുനിസിപ്പല്‍ ചെയര്‍ പേഴ്‌സണ്‍ ലൗലി ജോര്‍ജ്ജ് നിര്‍വ്വഹിക്കുന്നു.ഫാ. സുനില്‍ പെരുമാനൂര്‍ എക്‌സിക്യൂട്ടീവ് ഡയറക്ടര്‍

അന്ധബധിര പുനരധിവാസ പദ്ധതി പേരന്റ്‌സ് നെറ്റ്‌വര്‍ക്ക് മീറ്റിംഗ് സംഘടിപ്പിച്ചു

ദേശീയ ന്യൂനപക്ഷ കമ്മീഷൻ, ദേശീയ ന്യൂനപക്ഷ വിദ്യാഭ്യാസ കമ്മീഷൻ തുടങ്ങിയവയിലെ അധ്യക്ഷൻ ഉൾപ്പെടെയുള്ള അംഗങ്ങൾ വിരമിച്ചിട്ടും പകരം ആരെയും നിയമിക്കാതെ പ്രസ്തുത കമ്മീഷനുകളെ നിർജീവമാക്കുന്ന കേന്ദ്രസർക്കാരിന്റെ നടപടികൾ ജനാധിപത്യ മൂല്യങ്ങൾക്ക് വിരുദ്ധവും പ്രതിഷേധാർഹവുമാണ്. രാജ്യത്തെ ന്യൂനപക്ഷ സമുദായങ്ങളുടെ നീതിയും അവകാശങ്ങളും സംരക്ഷിക്കാൻ സ്ഥാപിക്കപ്പെട്ട ഈ സംവിധാനങ്ങളെ ദുർബലപ്പെടുത്തുന്നത് അവരെ കൂടുതൽ പാർശ്വവൽക്കരിക്കുന്നതിന് തുല്യമാണ്.ന്യൂനപക്ഷ സമുദായങ്ങളിൽ നിന്നുള്ള പ്രാതിനിധ്യം ഉറപ്പാക്കേണ്ട ദേശീയ ന്യൂനപക്ഷ കമ്മീഷനിൽ ക്രൈസ്തവ പ്രാതിനിധ്യം 2020 മാർച്ചിന് ശേഷം ഉണ്ടായിട്ടില്ല എന്നതിന് പുറമെ, ഇപ്പോൾ അംഗങ്ങൾ ആരുമില്ലാതെയായിരിക്കുന്നു. ഇതുവഴി ന്യൂനപക്ഷങ്ങളുടെ പരാതികൾ കേൾക്കാനും അവർക്ക് നീതി ഉറപ്പാക്കാനുമുള്ള സുപ്രധാനമായൊരു &nbsp;സംവിധാനം ഇല്ലാതാക്കപ്പെട്ടിരിക്കുകയാണ്. ദേശീയ ന്യൂനപക്ഷ വിദ്യാഭ്യാസ കമ്മീഷൻ്റെ അവസ്ഥയും ഇതിൽ നിന്ന് വ്യത്യസ്തമല്ല, അധ്യക്ഷനും അംഗങ്ങളുമില്ലാതെ അതും നിർജീവമായിരിക്കുകയാണ്.രാജ്യത്തിന്റെ വിവിധ ഭാഗങ്ങളിൽ ന്യൂനപക്ഷങ്ങൾക്കെതിരെ നടക്കുന്ന ആക്രമണങ്ങളും വിദ്വേഷ പ്രചാരണങ്ങളും വർദ്ധിച്ചുവരുന്ന സാഹചര്യത്തിൽ, ഇത്തരത്തിലുള്ള കമ്മീഷനുകൾ സജീവമായി പ്രവർത്തിക്കേണ്ടത് അനിവാര്യമാണ്. ന്യൂനപക്ഷങ്ങൾക്ക് പരാതികൾ അറിയിക്കാനുള്ള അവകാശം പോലും നിഷേധിക്കപ്പെടുന്നത് കടുത്ത അനീതിയാണ്.&nbsp;ഈ സാഹചര്യത്തിൽ, ദേശീയ ന്യൂനപക്ഷ കമ്മീഷനിലും ദേശീയ ന്യൂനപക്ഷ വിദ്യാഭ്യാസ കമ്മീഷനിലും ക്രൈസ്തവർ ഉൾപ്പെടെയുള്ള ന്യൂനപക്ഷ സമുദായങ്ങളുടെ &nbsp;പ്രാതിനിധ്യം ഉറപ്പ് വരുത്തിക്കൊണ്ട് അധ്യക്ഷനെയും അംഗങ്ങളെയും നിയമിക്കണമെന്നും പ്രസ്തുത &nbsp;കമ്മീഷനുകളെ സജീവമാക്കുന്ന നിലപാടുകൾ സ്വീകരിക്കണമെന്നും &nbsp;കേന്ദ്ര സർക്കാരിനോട് അഭ്യർഥിക്കുന്നു. രാജ്യത്തെ ന്യൂനപക്ഷങ്ങൾക്ക് സുരക്ഷയും നീതിയും എല്ലാ സംസ്ഥാനങ്ങളിലും ഉറപ്പാക്കാനുള്ള അടിയന്തിര നടപടികൾക്ക് കേന്ദ്രസർക്കാർ മുൻകൈ എടുക്കുകയും വേണം. പ്രസ്തുത അവശ്യങ്ങൾ ഉന്നയിച്ചുകൊണ്ട് ബഹു. പ്രധാനമന്ത്രിക്കും കേന്ദ്ര ന്യൂനപക്ഷ വകുപ്പ് മന്ത്രിക്കും നിവേദനം സമർപ്പിക്കുന്നതാണ്.ബിഷപ് ഡോ. യൂഹാനോൻ മാർ തെയഡോഷ്യസ് (ചെയർമാൻ, കെസിബിസി ജാഗ്രത കമ്മീഷൻ)&nbsp;ബിഷപ് മാർ റെമിജിയോസ് ഇഞ്ചനാനിയിൽ ബിഷപ് ഡോ. അംബ്രോസ് പുത്തൻവീട്ടിൽ (വൈസ് ചെയർമാൻമാർ, കെസിബിസി ജാഗ്രത കമ്മീഷൻ)ഫാ. ഡോ. മൈക്കിൾ പുളിക്കൽ (സെക്രട്ടറി, കെസിബിസി ജാഗ്രത കമ്മീഷൻ)&nbsp;

ദേശീയ ന്യൂനപക്ഷ - ന്യൂനപക്ഷ വിദ്യാഭ്യാസ കമ്മീഷനുകളുടെ നിർജീവാവസ്ഥ പരിഹരിക്കാൻ കേന്ദ്രസർക്കാർ അടിയന്തരമായി ഇടപെടണം: കെസിബിസി ജാഗ്രത കമ്മീഷൻ     

ഭാരതീയനായ ആദ്യത്തെ ഈശോ സഭാ രക്തസാക്ഷി ഫാദർ ജെയിംസ് കോട്ടായിൽ S.J യുടെ 58-ാം വാർഷികത്വത്തിൻ്റെ തലേ ദിവസമായ ജൂലൈ 15 ചൊവ്വാഴ്ച അച്ചനെ സംസ്കരിച്ച ഇടവകയായ റാഞ്ചിയിലെ മാണ്ടർ ദൈവാലയത്തിൽ ഫാദർ ബിപിൻ കുണ്ടു ൽനയും അസിസ്റ്റൻ്റ് വികാർ ഫാദർ ജോണീ ഷ് ഗാരിയും നേതൃത്വം നല്കുകയും മാണ്ടർ പള്ളിയുടെ സിമിത്തേരിയിൽ അച്ചൻ്റെ കബറിടം സ്ഥിതി ചെയ്യുന്നിടത്ത് ഛായചിത്രം കൊത്തിയ ഫലകം ആശീർവദിക്കുകയും ചെയ്യ്തു. വിശുദ്ധ കുർബാനക്ക് ഫാദർ 58-ാം രക്തസാക്ഷിത്വ അനുസ്മരണം അച്ചൻ രക്തസാക്ഷിത്വം വരിച്ച ഇടവകയായ റാഞ്ചിയിലെ നവാഠാടിൽ ജൂലൈ 16 രാവിലെ 5.30ക്ക് നടന്നു. വിശുദ്ധ കുർബാനക്ക് നവാഠാട് ഇടവകവികാരി ഫാദർ സുനിൽ ടോപ്പനോയും റാഞ്ചിയിലെ ഹസാരിബാഗ് രൂപതയുടെ സോഷ്യൽ സർവ്വീസ് ഡയറക്ടർ ഫാദർ ടോമി അഞ്ചു പങ്കിലും വിശുദ്ധ കുർബാന അർപ്പിച്ച് സന്ദേശം നല്കുകയും അച്ചൻ രക്തസാക്ഷി മകുടംചൂടിയ പള്ളിമുറിയുടെ മുമ്പിലുള്ള(ഇപ്പോൾ സെൻറ് ആൻസ് കോൺവൻ്റ്) 1967 ജൂലൈ 30 ഞായറാഴ്ച സ്ഥാപിച്ച മെമ്മോറിയൽ സ്ലാബിന് മുമ്പിൽ അച്ചൻ്റെ ഛായചിത്രം കൊത്തിയ ഫലകം ആശീർവദിക്കുകയും ചെയ്യതു. ജെയിംസച്ചച്ചൻ്റെ മാതൃ ഇടവകയായ പാലാ രൂപതയിലെ സെൻറ് ജോൺ ദി ബാപ്റ്റിസ്റ്റ് തുരുത്തിപള്ളിയിൽ ജൂലൈ 16-ന് രാവിലെ 6.30 യ്ക്ക് നടന്ന വിശുദ്ധ കുർബാനക്കും ഒപ്പീസിനുംഇടവക വികാരി ഫാദർ അഗസ്റ്റിൻ പീടികമലയിലും റാഞ്ചി ഡാൽട്ടൻഗഞ്ച് രൂപതയിൽ പ്രവർത്തിക്കുന്ന ഫാദർ റെജി പൈമറ്റം CMF എന്നിവർ നേതൃത്വം നൽകി. അച്ചനെ കുത്തിയത് ആരാണെന്ന് ജയിംസച്ചനോട് ചോദിച്ചപ്പോൾ കൊലയാളിയെ അറിയാമായിരിന്നിട്ടും അവരേട് ക്ഷമിച്ച് പേര് വെളിപെടുത്താതെ എൻ്റെ സഹോദരങ്ങളാണെന്ന് പറഞ്ഞു. പറഞ്ഞു പിന്നീട് ഈ കൊലയാളിക്ക് മാനസാന്തരം വരികയും ചെയ്യ്തു. ധാരാളം പേർ ജെയിംസച്ചൻ രക്തസാക്ഷിത്വം വരിച്ച റഞ്ചിയിലെ നവാഠാടിലെ മെമ്മോറിയൽ സ്ലാബിൻ്റെ മുമ്പിലും , അച്ചനെ സംസ്ക്കരിച്ച റാഞ്ചിയിലെ മാണ്ടർ പള്ളിയുടെ കല്ലറയിലും ,അച്ചൻ്റെ മാതൃ ഇടവകയായ പാലാ രൂപതയിലെ തുരുത്തി പള്ളിയിലെ അച്ചൻ്റെ ഛായാചിത്രം പതിച്ച കൽകുരിശിലും അച്ചൻ്റെ മസ്യസ്ഥതയിൽ പ്രാർത്ഥിച്ച് ഈശോയിൽ നിന്ന് അനുഗ്രഹം പ്രാപിച്ചുവരുന്നു.

ഭാരതീയനായ ആദ്യത്തെ ഈശോ സഭാ രക്തസാക്ഷി ഫാദർ ജെയിംസ് കോട്ടായിൽ S.J യുടെ 58-ാം വാർഷിക അനുസ്മരണം

കൊച്ചി:&nbsp;ഇടക്കൊച്ചി ആൽഫാ പാസ്റ്ററൽ &nbsp;കഴിഞ്ഞ മൂന്നു ദിവസങ്ങളിലായി നടന്നുവന്ന&nbsp;കേരള റീജ്യൺ ലാറ്റിൻ കാത്തലിക് കൗൺസിലിന്റെ (കെ ആർ എൽ സി സി) 45 -ാം ജനറൽ അസംബ്ലി സമാപിച്ചു . കേരള ലത്തീൻ സഭയിലെ ബിഷപ്പുമാരും അല്‌മായ നേതാക്കളും സന്ന്യാസസഭാ മേധാവികളും അസംബ്ലിയിൽ&nbsp;പങ്കെടുത്തു.&nbsp;44-ാമത് ജനറൽ അസംബ്ലിയുടെ റിപ്പോർട്ട് കെആർഎൽസിസി സെക്രട്ടറി പ്രബലദാസും കെആർഎൽസിസി പ്രവർത്തനറിപ്പോർട്ട് ജനറൽ സെക്രട്ടറി റവ. ഡോ. ജിജു ജോർജ് അറക്കത്തറയും ട്രഷറർ ബിജു ജോസി സാമ്പത്തിക റിപ്പോർട്ടും അവതരിപ്പിച്ചു.കെആർഎൽസിസി വൈസ് പ്രസിഡൻ്റ് ബിഷപ് ഡോ. സെബാസ്റ്റ്യൻ തെക്കത്തെച്ചേരിൽ സമാപന സന്ദേശം നൽകി. വിശ്വാസപരിശീലന വിദ്യാർഥികൾക്കായുള്ള സ്കോളർഷിപ്പുകളും വിവിധ മത്സര പരീക്ഷകളിൽ വിജയം കരസ്ഥമാക്കിയ വർക്കുമുള്ള പുരസ്‌കാരങ്ങൾ സമ്മേളനത്തിൽ വിതരണം ചെയ്തു&nbsp;ആസന്നമായ തദ്ദേശ- നിയമസഭാ തിരഞ്ഞെടുപ്പുകളിൽ ഇതര തീരദേശ സമൂഹങ്ങളുമായി സഹകരിച്ച് പ്രവർത്തിക്കാൻ ഇടക്കൊച്ചി ആൽഫ പാസ്റ്ററൽ സെൻ്ററിൽ നടന്ന കേരള റിജ്യൺ ലാറ്റിൻ കാത്തലിക് കൗൺസിലിന്റെ (കെആർഎൽസിസി) 45-ാം ജനറൽ അസംബ്ലി തീരുമാനിച്ചു.കേരളത്തിലെ ലത്തീൻ കത്തോലിക്കരുടെ ഉന്നത നയരൂപീകരണ ഏകോപന സമിതിയാണ് കെആർഎൽസിസി. കെഎൽസിഎ, സിഎസ്എസ്, കെസിവൈഎം ലാറ്റിൻ, കെഎൽസിഡബ്ല്യുഎ, ഡിസിഎംസ്, തുടങ്ങിയ അല്‌മായ സംഘടനകൾ കെആർഎൽസിസിയുടെ കീഴിലാണ് പ്രവർത്തിക്കുന്നത്. ഈ സംഘടനകൾക്കെല്ലാം ജനറൽ അസംബ്ലിയിൽ പ്രാതിനിധ്യമുണ്ട്. കെആർഎൽസിസിയുടെ രാഷ്ട്രീയ കാര്യസമിതി ചർച്ച ചെയ്‌താണ് തിരഞ്ഞെടുപ്പുകളിലെ നിലപാടുകൾ സംബന്ധിച്ച തീരുമാനമെടുത്തത്. കേരളത്തിലെ ലത്തീൻ കത്തോലിക്ക ജനസമൂഹം നേരിടുന്ന പ്രശ്‌നങ്ങൾ പരിഹരിക്കുന്നതിലും ആവർത്തിച്ചുന്നയിച്ചിട്ടുള്ള ആവശ്യങ്ങളോട് സർക്കാർ പുലർത്തുന്ന നിസംഗതയിലും നിഷേധാത്മക സമീപനവുമാണ് പുതിയ കൂട്ടുകെട്ടുകൾ തേടാൻ സമുദായത്തെ പ്രേരിപ്പിച്ചിരിക്കുന്നത്.സമദൂര സിദ്ധാന്തമായിരുന്നു കെആർഎൽസിസി എല്ലാ മുന്നണികളോടും ഇതുവരെ സ്വീകരിച്ചിരുന്നത്. തീരദേശത്തെ അലട്ടുന്ന നിരവധി പ്രശ്നങ്ങൾക്കു നേരെ പ്രമുഖമുന്നണികൾ സ്വീകരിക്കുന്ന നിലപാടിൽ കെആർഎൽസിസി അസംതൃപ്‌തരാണ്മുനമ്പത്തെ ഭൂമി പ്രശ്‌നമോ, വിഴിഞ്ഞം തുറമുഖ നിർമാണവുമായി ബന്ധപ്പെട്ട വിഷയങ്ങളോ, മുതലപ്പൊഴി സുരക്ഷിതമാക്കാനുള്ള ശ്രമങ്ങളോ, കണ്ണമാലിയിലെ കടലേറ്റം തടയാനുള്ള നടപടികളോ മാറിമാറി വന്ന മുന്നണികൾ നടത്തിയിട്ടില്ല എന്നത് തിരഞ്ഞെടുപ്പ് കാലത്ത് നിർണായകമാണ്. തീരദേശപാത, ബ്ലു ഇക്കണോമി വിഷയങ്ങളിൽ കേന്ദ്രം ഭരിക്കുന്ന ബിജെപി സർക്കാരിൽ നിന്ന് തീരദേശജനതയ്ക്ക് അനുകൂല തീരുമാനങ്ങൾ ഉണ്ടായില്ല. ഈ സാഹചര്യത്തിൽ ഭരണത്തിൽ നിർണായകസ്വാധീനം വേണമെന്നാണ് പൊതുവേ ഉള്ള അഭിപ്രായം. ജനാധികാരം നിർവ്വഹിക്കപ്പെടുന്ന ഭരണ സംവിധാനങ്ങളിലും രാഷ്ട്രീയ പാർട്ടികളുടെ നേതൃത്വത്തിലും ലത്തീൻ കത്തോലിക്കർക്ക് അർഹമായ പ്രാതിനിധ്യം ഇനിയും ഉണ്ടായിട്ടില്ലെന്ന് ജനറൽ അസംബ്ലി കുറ്റപ്പെടുത്തി. ആസന്നമായ തിരഞ്ഞെടുപ്പുകളുടെ പശ്ചാത്തലത്തിൽ, കെആർഎൽസിസി സുവ്യക്തമായ രാഷ്ട്രീയ സമീപനം കൈകൊള്ളുമെന്ന മുന്നറിയിപ്പും നൽകി. ഇതിനായി സംസ്ഥാന തലത്തിലും പ്രാദേശിക തലത്തിലും നിലവിൽ നടത്തിവരുന്ന മുന്നൊരുക്കം ഊർജ്ജിതമാക്കാൻ സമ്മേളനം നിശ്ചയിച്ചു. തീരദേശം നിരന്തരമായി അവഗണിക്കപ്പെടുന്ന സാഹചര്യത്തിൽ ഇതര തീരദേശ സമൂഹങ്ങളുമായി സഹകരിച്ച് പ്രവർത്തിക്കാനാണ് സമ്മേളനത്തിൻ്റെ തീരുമാനം.

കേരള റീജ്യൺ ലാറ്റിൻ കാത്തലിക് കൗൺസിലിന്റെ (കെ ആർ എൽ സി സി) 45 -ാം ജനറൽ അസംബ്ലി സമാപിച്ചു

The Sajeevam Anti-Drug Campaign is a collective effort to inspire, educate, and empower young minds to stay drug-free and choose a brighter future.

SAJEEVAM

KCBC Winter Conference 2022 was a meeting of the Kerala Catholic Bishops’ Council held in Kochi to discuss important Church and social issues. The bishops reviewed matters like the Vizhinjam port protests, coastal community concerns, and Church activities in Kerala. New KCBC office-bearers were also elected during this conference.

KCBC Winter Conference 2022

Kerala Sabha Naveekaranam 2022 is a renewal programme started by the Kerala Catholic Bishops’ Council (KCBC) to spiritually and socially strengthen the Catholic Church in Kerala. Beginning on June 5, 2022, the initiative focuses on renewing faith life, improving community participation, supporting families and youth, and building a more active and caring Christian community. It is a three-year process aimed at renewing the Church “in Christ.”

KCBC News Highlights

'അമ്മരുചി നന്മരുചി' പാചക മത്സരം നടത്തി

റവ. സി. ജോമോൾ കൃപാസനം OCV - ആലപ്പുഴ രൂപതയുടെ ആദ്യത്തെ Consecrated Virgin

36-ാമത് കെ സി ബി സി അഖില കേരള പ്രൊഫഷണൽ നാടക മേളയ്ക്ക് തുടക്കമായി

അന്ധബധിര പുനരധിവാസ പദ്ധതി പേരന്റ്‌സ് നെറ്റ്‌വര്‍ക്ക് മീറ്റിംഗ് സംഘടിപ്പിച്ചു

ദേശീയ ന്യൂനപക്ഷ - ന്യൂനപക്ഷ വിദ്യാഭ്യാസ കമ്മീഷനുകളുടെ നിർജീവാവസ്ഥ പരിഹരിക്കാൻ കേ...

ഭാരതീയനായ ആദ്യത്തെ ഈശോ സഭാ രക്തസാക്ഷി ഫാദർ ജെയിംസ് കോട്ടായിൽ S.J യുടെ 58-ാം വാർഷ...

കേരള റീജ്യൺ ലാറ്റിൻ കാത്തലിക് കൗൺസിലിന്റെ (കെ ആർ എൽ സി സി) 45 -ാം ജനറൽ അസംബ്ലി സ...

SAJEEVAM

KCBC Winter Conference 2022

Kerala Sabha Naveekaranam